Agauntza ibaiaren aberastasunak   MAIATZAK 23, larunbata.

Goizeko 8:30etan plazan busa hartuko dugu, Ergoienara joateko. Handik hasiko ibilaldi gidatua errekaren ertzetik, bazterretako fauna eta florra, besteak beste, azalduz.

Europar Batasunak Kontserbazio Bereziko Eremu izendatu zuen AGAUNTZA ibaia 2012n. 2004n Europar Batasunaren Intereseko Lekuen zerrendan sartu zuten eta geroztik "Natura 2000" izeneko Sarean dago. Toki bat Natura 2000ko guneen zerrendan sartzeko ingurumen-kontserbazioko egoera onean egon behar du, hau da, bitxi ekologiko bat izan behar du.

Esan beharra dago Agauntza ibaiak egoera ona duela Ataunen, kalitate handiko urekin, bertan bizi den arrain-multzo interesgarriekin eta ur-zozoa eta martin arrantzalea bezalako hegaztiekin.

Ibai honen natur balio nagusienetako bat bisoi europarraren populazio bideragarri bat edukitzea da. Ugaztun hau Espezie Mehatxatuen Katalogoan dagoenez, oso garrantzitsua da populazio hau gordetzea eta babestea, ibarraren gainerako zatia birkolonizatzen lagun dezakeelako. Era berean, Agauntzako ibai-korridoreak oso zeregin garrantzitsua du Nafarroako eta Gipuzkoako populazio hauen arteko loturan, hori funtsezko jarduera izanik kontserbazio-estrategian.

Agauntza ibaiaren balio ekologiko garrantzitsua ezagutzeko irteera antolatu da maiatzak 23an.

Gonbidatuta zaudete!

IRAUPEN LUZEKO 

VIII. MENDI- IBILALDIA

Eguna-  2015eko maiatzaren 10a, igandea

Irteera ordua: goizeko 06:30ean

Tokia: Auzoeta kiroldegia, eskola ondoan 

Kilometroak: 48

Iraupena: 9-11 ordukoa 

Ibilbidea: 

AUZOETA kiroldegia- Astigarraga- Iturralde- Ubarrieta- Lizardi- Altzanipe- Zelaieta- Intxaurrondo- Kurtuitz- Kalakasene- Otelarre- Belardiaundi- Urdangarin- Gartzagu- Aldarreta- Txintxaleku- Irumugata (Esparru)- Andrelorriaga- Arantzazumendi- Atxurbide/Urrezuloko harmurea- Lizarragabea - Ormaolatza- Aietsu- Praalata- Izozko gaina- AREATZA- Saratsamendiko mikeletetxea- Igartza- Intsusburu- Berrenoako galtzada- Beritzeta- Irumugata- Txaradigorri- Askoako lepoa- LIZARRUSTI-Allekoko lepoa- Iraio- Iruerrekata- Baiarrate- Lareoko urtegia- Sarastarri- Elorreta- Muñoaundi- Agauzko harratea- Aldatsoko iturria- Martinsaroeko lepoa- INTSUSTIko iturria- Atxuripe- Kobaegi baserria- Errekarteko iturria- Lasarteko lepoa- Beingo zelaia- Amundarain baserria- Saletxeberriko ekarra- Arrizabalaga- Mendiola- Hilerria- Arzubi- Iztator- Joxemiel Barandiaran eskola- AUZOETA kiroldegia.  

Antolatzailea: Ataun Kirol ElkarteA

Babeslea: Ataungo udala

Haurren filma "Los pingüinos de Madagascar" izango da, ikusle guztientzat zuzendurik dagoen animazioa.

Helduen filma berriz "El principio de Arquímedes" izango da, 13 urtetik gorako ikusleei zuzenduriko drama hau Biboletak, Ataungo Emakume Taldearen eskutik izango da.  

Gure eskolako aldizkariaren 100. alea argitaratzera goaz. 1980-81 ikasturtean ekin genion bideari eta ordutik guraso, irakasle eta ikasleen artean bide luzea eta oparoa egin dugu elkarrekin. Inongo zalantzarik gabe gure eskolaren ezaugarrietako bat izanda Eguzki Berri aldizkaria. Aurrerantzean ere hala izan dadila nahiko genuke!

Aldizkariaren urtemuga hau ospatzeko, aurtengo ikasturtearen bukaeran  (2015eko ekainean) Eguzki Berriren 100. ale berezia argitaratzea gustatuko litzaiguke.  

 1998. urtean Eguzki Berriren 50. alea argitaratu genuenean, bertan gure eskolako ikasleak izan zirenen lanak tartekatu genituen. Oraingo honetan ere antzeko gauza egiteko asmoa daukagu. Horregatik 1998. urtetik gaur egunera ikasle ohiak gonbidatu nahi ditugu Eguzki Berriren 100. alean parte hartzera. Anima zaitezte idaztera! Zuei interesgarria iruditzen zaizuenari buruz idatz dezakezue, nahi baduzue banaka nahi baduzue taldeka: eskolako esperientzia, zuen burutazioren bat, idazlana (ipuin, eleberri, bertso, olerki, marrazki …) … Azken batean zuei egokiena iruditzen zaizuena! Muga bat jartzeagatik, ahal bada gehienez bi orriko lana izatea eskertuko genizueke. Maiatzaren 15erako zuek egindako lana eskolako korreo elektronikora ( E-mail hau spam roboten kontra babestuta dago. JavaScript aktibatuta izatea behar duzu hau ikusteko. ) bidaltzea edo eskolara ekartzea nahikoa zenukete. 

Gure nahia, 1998tik hona ikasle ohi guztiei albiste honen berri ematea da. Baina pertsona denetara iristea ezinezkoa zaigulako, idatzia jasotzen ez dutenei informazioa ahoz zabaltzea eskertuko genuke. Horregatik urte bakoitzean jaiotako ikasle batzuei pasatuko diegu eskutitza eta gero euren lana izango da honen berri urte bereko promoziokoei zabaltzea. Ea denon ahaleginarekin gauzak ondo egiten ditugun!

Besterik ez. Aurretik zuen borondate ona eskertuz agurtzen gara.

óuosdhfh hh óhio ohó ero

qerg' rj0 hrj