Kaixo! Asteburu honetan, Herri Antzokiko zine-emanaldian, helduen saioan ‘70 Binladens’ thriller filma izango dugu gazteleraz. Raquel izango da film honen protagonista, 35.000 euro halabeharrez behar dituen emakumea. Raquel bakuarekin akordioa ixteko zorian dagoenean, bi lapurrek egoera korapilatuko dute. Haurren film emanaldian berriz, ‘Super Lopez’ izango dugu gazteleraz. Film honetan berriz, protagonista superbotere harrigarriak dituen eta ezkutuan gordetzen dituen gizon bat da. Baina gaztetako maitalea konkistatzerakoan, sekretua arriskuan jarriko duena. Gustuko izango dituzuelakoan, Ondo pasa asteburua!

Kaixo! Asteburu honetan, Herri Antzokiko helduen emanaldian, ‘LOU. Dantzan jo ta ke, oinak lehertu nahian.´ dokumentala izango dugu euskaraz Biboletak proposatuta. Dokumental honetan 80ko hamarkadan emakumeek izan zuten lekuaz, euskaraz eta, estetikaz gain, jarrerak izan zuen garrantziaz hitz egiten da. Lou Olagua erreferentetzat hartuz. Ostiralean eta astelehenean proiektatuko da eta aste honetan ez da haurren saiorik izango. Bestalde, igandean ‘Zaldi urdina´antzezlana izango dugu arratsaldeko 19.00etan. Antzezlan honen bidez, Euskal Herrian bizi izandako 1980ko hamarkada etorriko zaigu gogora. Baita “zaldi zuriaren” auzia ere, entzuterako garaiko gazteria, rock musika, hiesa eta heriotza, gatazka politikoa eta botereen esku beltzarekin lotuko duguna. Sarrerak agortuak daude. Gustuko izango dituzuelakoan, Ondo pasa asteburua!

Kaixo! Asteburu honetan, Herri Antzokiko film-emanaldian, helduen saioan ‘Mula’ filma izango dugu. Ostiralean ingelesez proiektatuko da gaztelerazko azpitituluekin, filma bertsio originalean ikusi nahi lukeenarentzat. Filmak, arazo ekonomikoek behartuta, 80 urterekin nahi gabe droga garraiolari bihurtu den gizon baten istorioa kontatzen du, benetako gertaera batean oinarrituta dagoena. Haurren saioan bestalde, ‘Ausarki yeti dibertigarria’ (Small foot) izango dugu euskaraz. Film honetan, yetien herrixka elurtu bat ezagutuko dugu, baita yeti bizkor baten azken aurkikuntza ere: gizaki bat. Gustuko izango dituzuelakoan, Ondo pasa asteburua!

Kaixo! Urte berriari hasiera emanez, asteburu honetako herri antzokiko film-emanaldian helduen saioan `Vitoria, 3 de marzo´ filma izango dugu. Franco diktadorea hil ondoren, krisi ekonomiko eta ziurgabetasun politiko giroan, 1976 urte hasieran Gasteizen greba orokorra deitu zen. San Francisco elizan ehunka pertsona elkartu ziren euren eskubideen alde borrokatzeko, horien artean Begoña, film honetako protagonista. Haurren film emanaldian berriz, `Dragon ball super broly´ animazio filma izango dugu euskaraz. Gokuk beste unibertso batzuetan oraindik ikusi ez dituen izaki ikaragarri indartsuak daudela jakin du eta entrenatzen jarraitzea erabaki du orain den baino indartsuagoa izateko asmoz. Gustuko izango dituzuelakoan, Ondo pasa asteburua!

Kaixo! Asteburu honetan, Herri Antzokiko film-emanaldian, helduen saioan ‘Bohemian Rhapsody’ filma izango dugu. Ostiralean ingelesez proiektatuko da gaztelerazko azpitituluekin, filma bertsio originalean ikusi nahi lukeenarentzat. Filmak, Freddie Mercuryren eta Queen bandaren bilakaera azaltzen du, baita Live Aid kontzertua ospatu arte bizitako istorio hunkigarria ere. Haurren saioan bestalde, ikusleek proposatutako film bat izango dugu: ‘Charlie y la fábrica de chocolate’ gazteleraz. Film honek, familia txiroa duen Charlie mutikoaren abentura kontatzen du, Willy Wonkaren txokolate-lantegian 5 haur zortedunekin batera biziko duena. Hurrengo emanaldia urtarrilaren 10ean izango da. Gustuko izango dituzuelakoan, Ondo pasa gabonak!