Udal agiria


LUR AZPIKO APARKALEKUKO ZOZKETA

Uztailaren 30ean, San Martingo lur azpiko aparkalekuen epea bukatuko dela eta, datorren urterako zozketa egiteko garaia heldu da. Interesa duzuenok, uztailaren21a baino lehen eman dezakezue izena Udaletxean. Zozketa, uztailak 27, osteguna, iluntzeko 19:00etan egingo da udaletxeko pleno aretoan.


UDAL BULEGOAN BERRIKUNTZA LANAK

Udal bulegoan, berrikuntza lanak egin nahi dira eta lan horiek egin ahal izateko, abuztuaren 7tik 15era (biak barne) udal bulegoa itxi egingo da. Udaleko ateak, asteazken eta ostegunean, goizeko 9:00etatik 11:30etara irekiko dira epaitegira datozenentzat bakarrik.

ARANTZAMENDIKO LANGAK

Arantzamendin jarrita dauden langa handiak kotxeentzat giltzaz itxiko dira eta oinezkoentzat langa txikiak jarri dira.

SAN MARTIN ETA SAN GREGORIOKO PILOTALEKUAK

Aurrerantzean, San Martin eta San Gregorioko pilotalekuko argiak, txanponarekin piztuko dira eta sarrerako atea, automatikoki ireki eta itxiko da bere ordutegietan.

XI. BARROKO JAIALDIA 2017

XI. BARROKO JAIALDIAREN EGITARAUA

Attachments:
FileFile size
Download this file (XI.barroko jaialdia2017.pdf)XI.barroko jaialdia20177463 kB

Kultura batzordea

Ekainaren 14an, asteazkena, arratsaldeko 18:30etan, Kultura batzordea egingo dugu udaletxean. Deialdi irekia izango da.

 “Joxe Martin Apalategi” Ataun Aztergai bekari buruz hitzegiteko eta zuen iritziak jasotzeko bilera izango da.

KIROL ESKAINTZA UDA 2017


- Udako kirol eskaintza 1999-2009 urte bitartean jaiotakoentzat zuzendua da.

-Eskainiko diren kirolak TENISA, BIZIKLETA BIDE GORRITIK, PIRAGUISMOA, AEROBIKA ETA ESKALADA IZANGO DIRA.

○ Tenisa: Uztailaren 10etik 21arte. Goizez. Gutxienez 4 laguneko taldea. Kuota 20€.

○ Bizikleta bide gorritik: Uztailaren 3tik 7arte. Goizez 9:30-12:30. Gutxienez 8 laguneko taldea. Kuota 20€.

○ Piraguismoa: Uztailaren 10etik 14arte. Arratsaldez. Gutxienez 8 laguneko taldea. Kuota 20€ (Lazkaoko presan egingo da)

○ Aerobika: Ekainaren 26tik uztailaren 7arte. Goizez. Gutxienez 8 laguneko taldea. Kuota 20€.

○ Eskalada: Uztailaren 10etik 14arte. Goizez. Gutxienez 8 laguneko taldea. Kuota 20€.

KUOTA BEREZIAK: Kuota haur bakoitzeko 20€ bada ere, familia bereko bi haur direnean, kuota biena 30€ izango da, familia bereko hiru haur edo gehiago direnean, kuota guztiena 40€ izango da. Laguntza edo kuota berezi hau ordea kirol jarduera batentzat izango da bakarrik. Eskaera orrian zehaztu familia kideen kopurua eta izen abizenak. Izena ematearekin batera aurkeztu beharko da ordainketa agiria.

Izen emateko epea: Ekainak 10 izango da.
Ez da epez kanpoko izen ematerik onartuko eta behin ikastaroa hasi eta gero ez da dirurik itzuliko, haur kopuruaren arabera antolatuko bait dira ikastaroak.
Izen emateko lekua: Ataungo Udala 943 180011 eta Auzoetan edo Pakori deituz 669239195 telefonora.
Informazio gehiago nahi izanez gero Pako Urrestarazurekin jarri harremanetan.

ERAIKINEN IKUSKAKETA TEKNIKOAREN INGURUKO INFORMAZIO - OHARRA

Eraikinen ikuskapen teknikoaren helburuak hurrengo hauek dira:

Ikuskapenean begiz hautemandako eta kanpo- zein barne-arrazoien, ohitura txarren, hutsegiteen edo ez mantentzearen ondorioz gertatutako kalteak eta akatsak identifikatzea.
Ikusitako patologien eragile izan daitezkeenen eta eraikinen kontserbazio-egoeraren aurretiko diagnosia egitea.
Hautemandako kalteak eta haien arteko erlazioa sailkatzea larritasunaren arabera.
Kaltearen zenbaterainokoa ebaluatzea, esku hartzeko beharraz erabakitzea, eta esku-hartze mota egokia gomendatzea.
Eraikinaren inguratzailearen elementuen ezaugarriak adieraztea, geroago eraikinaren eragin¬kortasun energetikoa ebaluatzeko.
Eraikinaren irisgarritasun-baldintza teknikoak zehaztea, sarbideetan eta barne komunika¬zioetan, ataritik etxebizitzetako sarreretaraino.

Eusko Jaurlaritzak, Etxebide-ren bitartez, (http://www.etxebide.euskadi.eus/x39-contgen/es/contenidos/informacion/etxecont_ite_general/es_def/index.shtml) Euskal Erkidegoko bizilagun guztien eskura jartzen ditu eraikinen birgaitzea eta Eraikinen Ikuskapen Teknikoa egiteko laguntzak.

Zure jabetzako eraikina 1967ko ekainaren 27a baino lehenago eraiki baldin bazen, jakitera ematen zaizu derrigorrezkoa dela ikuskapen txostena egitea, beharrezkoa izanik horren kopia bat 2018ko ekainaren 27a baino lehenago udaletxean entregatzea.

Jakitera ematen zaizu, baita ere, Ikuskapena egiteko arkitekto eta aparejadoreen zerrenda bat dagoela, eta helbide hauetan jarri zaitezkeela beraiekin kontaktuan:

EUSKAL HERRIKO ARKITEKTOEN ELKARGO OFIZIALA
http://www.coavnss.org/ite/directorio
Paseo de Francia, 11, 20012 Donostia – San Sebastián
Tel: 943 320 194

GIPUZKOAKO APAREJADORE ETA ARKITEKTO TEKNIKOEN EKARGO OFIZIALA
http://www.coaatg.org/listado-tecnicos-ite
Paseo Arbol de Gernika nº 21 accesorio. 20.006 Donostia - San Sebastián
Tel: 943 47 16 16 / Fax: 943 45 57 76

Informazio gehiago:
http://www.coavnss.org/ite/actualidad/0
http://www.coavnss.org/ite/subvenciones
http://www.coaatg.org/area-ciudadana

Ataunen, 2017ko maiatzaren 26an

BASERRIARI BEGIRA SAN ISIDRO EGUNA 2017 – AIAn

Maiatzak 12, ostirala
 
Hitzaldia Aiako Haitzarri Elkartean iluntzeko 19:00etan.
Hizlaria: Jose Mari Uztarrotz jatorri izendapeneko lehendakaria.
Hitzaldia: Ardi gaztaren irakurketa teoriko eta praktikoa.
 
Maiatzak 15, astelehena
 
10:30ean  azoka irekiera.
- Artzantza inguruko tresna erakusketa goizean zehar. 
- Gazta, barazki eta ziza lehiaketa. Bertan izango da Mikel Zeberio epaile lanak egiten. 
- Herritarrek ere aukera izango dute. 
-Esnetik gaztaraino eta artiletik hariraino erakusketa eta gai hauen inguruan jarduera eskol-umeekin. 
 
13:30ean Gazta, barazki eta ziza lehiaketako sari banaketa.
 
13:45etan Herriko baserritarrei egiten duten lanaren aitortza.
 
14:00etan bazkaria Haitzarri elkartean.
(Menua: Haragi zopa, pikatxa, arkumea, gaztanbera eta kafea lagungarriekin. Bazkarirako izena eman behar da Udaletxean maiatzak 10 eguerdia baino lehen. 943 180011. Salneurria 22€)
 
Santi eta Katxo trikitilariak ere bertan izango dira. 
 
BARAZKI LEHIAKETA

Gehiago irakurri...

ABERRI - EGUNA 2017

Apirilaren 16a, igandea, Aberri Eguna. 1931tik egun hau, gure Herriaren eguna izan da eta beste herri askotan egiten den antzera, gure Naziotasuna  berresteko eta aitortzeko  ospatuko  dugu. Herri bezala onartu nahi ez gaituztenei,  gure euskal identitatea baieztatuz eta sendotuz erantzungo diegu.  

Ospakizun eguna da, baina baita konpromisozkoa ere, euskal gizartearen etorkizuna bakean, justizian eta askatasunean eraiki nahi dugulako.

 

Egun honetan, Ataundarrok eta Euskal Herritar guztiok, geure nortasunaren adierazpen askea egin dezagun, “geurea ikurrina” aireratuz, Euskaraz  biziz eta erabakitzeko eskubidearen aldeko herri  borondatea alaiki aldarrikatuz.

Gehiago irakurri...

Kirol-jardueren Teknikari lanpostua lehiaketa-oposizio

Deialdi honen helburua Ataungo Udal honetako Kirol-jardueren Teknikari lanpostua lehiaketa-oposizio librearen bitartez jabetasunez betetzea da. Plaza hori A2 (Lehengo B Taldea, Langile Publikoaren Oinarrizko Estatutuari buruzko apirilaren 12ko 7/2007 Legearen hirugarren xedapen iragankorraren arabera) sailkapen-taldean sartuta dago, eta Administrazio Bereziko Eskalan, Azpieskala Teknikoan eta Erdi Mailako Teknikoen Taldean kokatuta dago. Euskarazko 3. hizkuntza eskakizuna derrigorrezkoa (derrigortasun data 2016koa dekarik).

 

GAO - Informazio gehiago (PDF)

 

Kirol-Jardueren lanpostua lehiaketa oposaketan parte hartu ahal izateko eskaintzak aurkezteko epea 2017ko apirilaren 4a, asteartea, bitarte izango da.

 

Iragarkia BOEn

 

Akats zuzenketa  (2017ko martxoak 14, asteartea)

 

Attachments:
FileFile size
Download this file (akats zuzenketa.pdf)akats zuzenketa57 kB
Download this file (BOE-A-2017-2823.pdf)BOE-A-2017-2823145 kB
Download this file (GAO Kirol Teknikaria.pdf)GAO Kirol Teknikaria207 kB

SAN GREGORIOKO ERROTATXO

SAN GREGORIOKO ERROTATXON EGINDAKO LANEN INAUGURAZIOA.

 

Herritar batzuen laguntzari esker,  txukundu bat eman zaio ERROTATXORI  eta txukunketa hau aitzaki hartuta,

Otsailaren 5ean, goizeko 11:30etan ERROTAN elkartu eta inauguratu egingo dugu.

Bertan, Errotaren inguruko argibideak emango dira eta ondoren, bildu garenon artean,  Hamaiketako goxoa egingo dugu.

 

Ataunen, badugu altxor bat gutxi ezagutzen duguna, Errotatxoko ERROTA. XVII. Mendekoa da eta berari itsatsita dagoen Zerrategia, 1900 urtean Martin Garaialdek eraikia da, auzoko beharrei erantzuteko.

Dena uraren bidez erabiltzen da, bai errota eta baita zerrategia ere. Zerrategia, zerra bertikala, lijadorea, eta tornu txiki batez osatua dago.

Beste urte askoan iraun dezan, berrikuntza txiki batzuk egin dira: turtukietako jetxierako eskailerak bere barandarekin jarri dira eta erreka aldeko zerrategiko paretako harri junta  hartu eta seguratuta jarri da.

Txukunketa lan hauek, Gipuzkoako Foru Aldundiaren eta Ataungo Udalaren laguntzarekin egin dira eta lanak burutzeko herritarren laguntza izan da.

 

Beraz, goiz pasa eder bat egiteko aitzakia polita daukagu. Horra gonbitea!

SAN GREGORIOKO ERROTATXO

ATAUNGO ELKARTEEI DIRULAGUNTZA

ATAUNGO UDALA

HERRIKO ELKARTEEI, KULTUR ETA KIROL EKIMENAK GAUZATZEKO DIRU LAGUNTZAK EMATEKO DEIALDIA.

 

  • Xedea.

Deialdi honen xedea da Ataunen irabazi asmorik gabeko elkarteei urteko ekintzak finantzatzeko diru laguntzak emateko arauak onartzea.

  • Onuradunak.

Diru laguntza hauek jaso ahal izango dituzte kultur eta kirol ekintzak burutzen dituzten irabazi asmorik gabeko elkarteek, egoitza eta jarduteko esparrua Ataunen dituztenak.

Erregistro publikoan inskribaturik egoteaz gainera, deialdi honen oinarri orokorren 4 artikuluan eskatutako baldintzak bete beharko dituzte onuradunek.

Deialdi honetatik kanpo geratuko dira:

  • Beren izaera eta helburuak Ataungo Udaleko kultura sailaren ardurapekoak diren eremuekin lotura zuzenik ez dutenak.
  • Bere izaera eta helburuagatik Udalaren beste diru laguntza programa batean sar daitezkeen proiektuak edo ekintzak.
  • Elkarteek Udalarekin dituzten betebeharrak egunean ez dituztenak.

 

 

  • Eskaerak izapidetzeko administrazio unitate eskuduna.

Kulturaz arduratzen den Udaleko sailak izapidetuko ditu eskabideak.

 

Gehiago irakurri...