ATAUNGO UDALAREN ERAIKIN GUZTIEK ITXITA SEGITUKO DUTE - BERROGEIALDIA BETE BEHAR DUZUENONTZAKO OHARRA
COM_CONTENT_PUBLISHED_DATE_ON | 
Ataungo Udalaren eraikin guztiek itxita segituko dute
Gaur betetzen dira hamabost egun Udalaren eraikin guztiak itxi genituela. Alarma-egoeran gaude oraindik, eta, hortaz, itxita segituko dute, harik eta egoera normalizatzen den arte. Udalaren zerbitzuren bat behar izanez gero, deitu 943180011 zenbakira, 09:00etatik 14:00etara, edo idatzi helbide honetara: E-mail hau spam roboten kontra babestuta dago. JavaScript aktibatuta izatea behar duzu hau ikusteko. .
Berrogeialdia bete behar duzuenontzako
oharra
Berrogeialdia bete behar baduzue, gaixorik zaudetelako edo egon zintezketelako, deitu lasai Udaletxera (943180011), erosketak egiteko eta zaborra ateratzeko laguntza edo jarraibideak emango dizkizuegu-eta. Nolanahi ere, zuen kasa moldatzeko modua baldin baduzue, oso kontuan izan zaborra nola eta nora atera: poltsa itxi batean atera behar duzue zabor guztia, bereizi gabe, eta pixoihalentzako edukiontzian bota behar duzue. Arduraz jokatu mesedez. Informazio guztia Sasietaren webgunean daukazue: www.sasieta.eus/euskara
Zaindu zuen burua eta zaindu ingurukoak!!!
Ataunen, 2020ko martxoaren 27an.
OHARRA.
COM_CONTENT_PUBLISHED_DATE_ON |
Ataungo Udalaren INFORMAZIO ZUZENA Whatsappez bidez jasotzeko aukera duzue.
Mezuak jaso nahi badituzue:
1. GORDE zuen telefono mugikorreko KONTAKTUETAN 616 758 758 telefono-zenbakia.
2. BIDALI Whatsapp mezua: “INFORMAZIOA JASO NAHI DUT” 616 758 758 Telefonora.
Horrela erregistratua geldituko zara informazioa jasotzeko.
Adib.:
“Bizi dugun egoera kontuan harturik, Ataungo Udalak ibilgailuen zerga ordaintzeko epea urrira arte atzeratzea erabaki du. Aurrerago jakinaraziko dizuegu egutegi zehatza.”
ETXEAN GOXO EGOTEKO EUSKARAZKO BALIABIDEEN ZERRENDA
COM_CONTENT_PUBLISHED_DATE_ON |
COVID-19 birusak sortu duen ezohiko egoera dela eta, etxean denbora dezente egotea egokitu zaigu guztioi. Hori dela eta, UEMAk doako euskarazko online baliabideen bilketa bat egin du. Atxikita duzuen dokumentuan dituzue haurrentzat zein helduentzat hainbat baliabide: zinea, telesailak, jolasak, literatura, dokumentalak, podcast-ak, errezetak...
ZAINDU ZU ETA ZAINDU INGURUKOAK!
2020ko MARTXOAREN 8ko ADIERAZPENA ETA EGITARAUA
COM_CONTENT_PUBLISHED_DATE_ON |
Azken bi urteetan Euskal Herriko mugimendu feministak Martxoaren 8an greba feminista arrakastatsuak eraman ditu aurrera , bizitzak eta haiek sostengatzeko zaintzak e rdigunean jartzeko beharra mahai gaine an jarriz
Aurtengo honetan ez da grebarik egingo, ez arrazoirik falta ez zaizkigulako, gure aldarrikapenak egiteko modu eta formulak anitzak direlako baizik.
Martxoaren 8 honetan barrura begira jarri gara, antolakuntzan jarri nahi dugu fokua, mugimendu feminista indartsu batek ezin bestekoa baitu emakumeon arteko elkarlana eta elkar aitortza. Elkarrekin antolatuz bakarrik lortuko baitugu
gure borroka aurrera eramatea.
Aurten ere, beste urte batez, gure aldarrikapenak berresten ditugu : Ataun feminista lortze ko bidean paus o irmoak ema tera gatoz! Emakume eta gizonen arteko benetako aukera berdintasuna bizitzako eremu guztietan aldarrikatu eta landu behar dugu, hezkuntzan, lanean, familian, lagunartean, militantzian, aisialdian eta gure arteko harremanetan.
Aurtengo martxoaren 8an ere A taunen eta Goierrin antolatutako ekintza eta ekitaldietan parte hartzera gonbidatu nahi ditugu herritarrak, beste urte batez, borrokara bat u eta kaleak indarrez hartzeko!
Aurtengo martxoaren 8a ere ez da makala izango!
Ataungo EHBildu
Ataungo EAJ
Agauntza Guraso Elkartea
Aizkoate Kultur Elkartea
Ataun Irratia
Atsedentoki jubilatuen elkartea
Barandiaran Museoa
Biboletak talde feminista
Jentilbaratza Kultur Elkartea
Joxemiel Barandiaran herri ikastetxea
Otsoak Dantza Taldea
Otsotarrak elkartea
Torto Gazte Asanblada
LDTko KANALEN ALDAKETA DIBIDENDU DIGITALAGATIK
COM_CONTENT_PUBLISHED_DATE_ON |
ITELAZPI S.A. Eusko Jaurlaritzaren sozietate publikoa da, eta bere ardura CAEn 2. dibidendu digitala egieta da. prozesu horrek LTDko emisio batzuei eragingo die, eta kate berrietan sintonizatu beharko dira; nolanahi ere, egungo telebista-eskaintza berdina izango da.
ITELAZPI EITB Taldearen emisioak lurraldearen %100ean egokitzearen arduraduna da. Era berean, biztanleria- detsitate txikiko eta orografia konplexu eremuetan estatu-estaldurako emisioak egokitzeaz arduratzen da. Merkataritza- operadoreak zerbitzua emateko betebeharrik ez duen lekuak dira hauek.
Jakinarazpen honen amaieran, egingo diren jarduketen datu teknikoak aurkituko dituzu (atxikirik dagoen dakumentuan). Dibidendu digitalaren prozesuari buruzko informazio gehiago nahi izanez gero, gure webgunean duzu: www.itelazpi.eus
Zamudio, 2020ko martxoaren 4a.
2020ko MARTXOAREN 4ko BANDOA
COM_CONTENT_PUBLISHED_DATE_ON |
LANGILE BAT KONTRATATZEA
Lan pilaketa dela eta, Ataungo Udalak langile bat kontratuko du herri-laneterako, lanaldi osoan, eta gehienez zazpi hilabeterako. Langilearen eginkizunei buruzko informazioa Udaletxean bertan emango dizuegu. Interesa duzuenok Lanbiden eman behar duzue izena, martxoaren 10etik 18ra bitartean.
SILO-BOLEN PLASTIKOAK BILTZEKO EGUTEGIA
Hilean behin biltzen dira silo-bolen plastikoak. Hauxe da egutegia:
Urtarrilak 21
Otsailak 18
Martxoak 17
Apirilak 21
Maiatzak 19
Ekainak 23
Bilketa-guneak, berriz, ohikoak: Otadi Zelai baserria, mediku etxearen atzealdea (San Martin), Saltxeberriko bidegurutzea, Agerreko bidegurutzea, San Gregorion Intxaustiko zubia, Arratiñe baserrirako bidegurutzea eta Lauztiturrieta baserria.
SAN GREGORIOKO PILOTALEKUKO ARGIA
San Gregorioko pilotalekuan argia pizteko fitxak Sutegin edo Troskaetan hartu behar dira.
EUSKARALDIKO BATZORDEA
Euskaraldiko herri batzordea osatzeko bilera martxoaren 11n izango da, 19:00etan, Udaletxean.
Animatu eta parte hartu!
ERROLDA ETA BIZIKIDETZA AGIRIAK
Errolda-agiria eskatzeko norbera etorri behar da, edo, bestela, ordezkatzen den pertsonaren baimena ekarri behar da. Bizikidetza-agiria eskatzeko berdin: etxebizitza berean bizi diren 18 urtetik gorako persona guztien baimena behar da.
UDALETXE ATZEKO BARATZEA
Udaletxe atzean dagoen baratzea erabiltzeko interesa duzuenok, eman ezazue izena udaletxean. Pertsona bat baino gehiago izanez gero, zozketa egingo da.
HIZKETALAGUNA EGITASMOA
Euskara ikasten ari bazara eta mintzamena landu nahi baduzu, edo euskara ikasten ari direnei lagundu nahi badiezu, eman izena martxoaren 18a baino lehen:
Whatsappez: 616758758
Telefonoz: 943180011
Posta elektronikoz: E-mail hau spam roboten kontra babestuta dago. JavaScript aktibatuta izatea behar duzu hau ikusteko.
Indartu zure euskara eta lagundu euskarari indartzen!
HAURRESKOLA ZABALIK URTE OSOAN
Gogorarazi nahi dizuegu Ataungo Haurreskola zabalik dagoela urte osoan, eta edozein garaitan daukazuela aukera 0-2 urte bitarteko haurrak matrikulatzeko eta hara eramaten hasteko. Telefonoa: 943.18.03.76
2020ko AURREKONTUA-APARKALEKUAK-GIMNASIO ETA BOULDERRA-TXITU IKASTAROA-OLENTZERO ETA MARIDOMINGI-AGENDA-TRASTE ZAHARRAK-UDAL AKORDIOA
COM_CONTENT_PUBLISHED_DATE_ON |
ONARTU DUGU 2020KO AURREKONTUA
Abenduaren 19ko Osoko Bilkuran aho batez onartu genuen 2020ko aurrekontua, guztira 1.941.691 eurokoa. Horietatik 332.500 euro inbertsio errealetarako izango dira, eta hor sartuta daude, besteak beste, kirol anitzeko pista, Olaldeko urbanizazioa, kale argiteria, Aiako parkea eta plaza txukuntzeko lanak, Kaxio ibilbidea mantentzeko eta berritzeko lanak, eta bi taldeon artean adostu dugun akordioa gauzatzen hasteko kontu-sail bat.
Ohiko zergetan KPIa (% 0,8) igotzea erabaki dugu. Izan ere, Udalak dituen gasturik gehienetan ere igoera hori bera izango da, eta soberan geratzen den dirua herrian hobekuntzak egiteko erabiliko da.
Bestalde, ibilgailu historikoak zerga ordaintzetik salbuestea erabaki dugu. Ibilgailu historikotzat hartzen dira 25 urtetik gorako autoak. Zerga ordaintzetik salbuesteko, ordea, eskatu egin beharko da; eskaera egin eta hurrengo urtetik aurrera izango ditu ondorioak. Beraz, abenduaren 31 baino lehen eskatu beharko da 2020an salbuetsia izateko. Horrez gain, hiru baldintza hauek bete beharko dira:
- Ibilgailuaren titularrak udalerri honetan erroldatuta egon beharko du.
- Hobaria aplikatzeko, nahitaezkoa izango da zergen ordainketan egunean egotea.
- Jabe beraren ibilgailu bakarrari aplikatuko zaio hobaria.
APARKATU ONDO ETA IBILI LASAI!
Autoa uzteko leku faltarik ez daukagu, baina, hala ere, askotan behar ez den lekuan edo behar ez bezala uzten dugu. San Martingo plaza, esate baterako, noiznahi egoten da autoz beteta, eta noiznahi agertzen dira galtzada-harriak eta piloiak puskatuta. Lurpeko aparkalekuan, berriz, tarifa oso merkea izan arren, batzuek ez dute ordaintzen, eta erreserbaturiko lekuetan uzten dute ibilgailua zenbaitetan. Hori guztia bideratze aldera, behartuta gaude neurri hauek hartzera eta zaintza zorroztera:
1.- Plazako aparkalekua zamalanetarako eta erosketak egiteko bakarrik erabili ahal izango, eta, hortaz, gehienez 30 minuturako utzi ahal izango da ibilgailua.
2.- Gauean ezingo da aparkatu.
3.- Lurpeko aparkalekuan ezingo da erreserbatutako lekuetan aparkatu, eta tiketa jarri beharko da.
GABILLENEKO APARKALEKUA
Gabilleneko aparkalekuan erreserbatuta dauden lekuak umeak uztera eta jasotzera doazenek erabiltzeko dira. Hortaz, gehienez ere 5-10 minutu utzi ahal izango da ibilgailua.
GIMNASIOKO ETA BOULDER GELAKO BAZKIDETZA BERRITZEA
Gimnasioko eta Boulder gelako giltzak abenduaren 31n baliogabetuta geratuko direnez, urtarriletik aurrera zerbitzuak erabiltzen jarraitu nahi baduzue, ordainketa egin eta agiria udaletxera ekarri behar duzue, eta giltza hemen aktibatuko dizuegu. Hauek dira prezioak:
Gimnasioa: Hilabetea 10 €
Urtea 60 €
Boulder gela: Urtea 15 €
Txartel familiarra: Urtea 100 € ( Boulder gela barne )
Oharra: Familia txartelaren onuradun izateko, etxebizitza berean erroldatuta egotea nahitaezkoa izango da.
Giltza bakoitza: 10 € (giltza itzultzean bueltatu egiten da dirua)
Kontu-zenbaki honetan egin behar da ordainketa: 2095 5026 87 1060153888 (Kutxababank).
TXISTUA JOTZEN IKASI NAHI DUZU?
Ataungo Udalak txistu-ikastaroa antolatuko du 2020an. Interesa baldin baduzu, idatzi mezua E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidera edo bidali Whatsappa 616758758 telefono-zenbakira urtarrilaren 7a baino lehen. Izena ematen duzuenokin bilera egingo dugu urtarrilean, eta han emango ditugu argibideak.
OLENTZERO ETA MARI DOMINGI AIAN
Aurten Aiako Erroipen izango da Olentzero eta Mari Domingiren ongietorria, abenduaren 24an, 18:30ean. Joan behar duzuenok, mesedez, Kaxetatik igo; bestela, trafikoan gorabeherak sortzen dira eta. Ekitaldia bukatu ondoren, nahi izanez gero, Urkillagatik ere jaitsi daiteke.
GORDE EGUN HAUEK AGENDAN
Badator 2020. urtea, eta dagoeneko baditugu hitzordu batzuk. Aurrerago jakinaraziko ditugu xehetasun gehiago, baina, nahi baduzue, gorde agendan egun hauek:
- Urtarrilak 18: Emakumeen Master Cup, binakako txapelketa, Ataunen hasiko da.
- Urtarrilak 26, Zaldi urdina antzezlana.
- Otsailak 28, Kaffka antzezlana.
TAMAINA HANDIKO TRASTE ZAHARRAK ATERATZEKO EGUTEGIA
Zer atera daiteke?Altzariak, koltxoiak, etxetresna elektrikoak (garbigailuak, hozkailuak,
ordenagailuak, telebistak…) eta tamaina handiko bestelako traste erabilezinak…
Ez dira atera behar… Eskonbroak eta obretako bestelako hondarrak (tarima, bainuontzi, komunontzi, baldosa, azuleju…)
· Gurpilak, egurrezko paletak, arropa...
· Kristalak, ispiluak, eta objektu ebakitzaileak
· Hondakin arriskutsuak (bateriak, fluoreszenteak, pinturak…).
Inausketa-hondarrak (adarrak…) Beasaingo garbigunean hartzen dira soilik.
Artikulu gehiago...
- EUSKARAREN EGUNA 2019
- BANDOA: BIKARIO ETXEA ZABALIK- BARANDIARAN MUSEOA ATE IREKIAK- MEMORIA HISTORIKOA- TELEBISTA ANTENAN ALDAKETAK- HAURRESKOLA ZABALIK URTE OSOAN- UDALAREN INFORMAZIOA BEREHALA JASOTZEKO AUKERA
- ATAUNGO HAMABOSGARREN ARGAZKI RALLYA, ARGAZKI PROIEKZIOA ETA SARI BANAKETA
- MEMORIA HISTORIKOA "Iragana gogora ekartzen 2012....2019"
-
Agauntza kirol elkartea
-
Aiako jai komixioa
-
Aizkoate elkartea
-
Artadi elkartea
-
Ataun kirol elkartea
-
Ataungo Udala
-
Atauniker kultur elkartea
-
Atseden toki elkartea
-
Auzoeta kiroldegia
-
Barandiaran Fundazioa
-
Barandiaran museoa
-
Biboletak Ataungo emakume taldea
-
Erbia elkartea
-
Euskara taldea
-
Gaztelekua
-
Guraso elkartea
-
Haitzarri elkartea
-
Herri Antzokia
-
Hiru txilipurditan
-
Irakurle taldea
-
J.M.B.Herri ikastetxea
-
Murkondo elkartea
-
Jentilbaratza elkartea
-
Karitas
-
Oargi elkartea
-
Odol emaile elkartea
-
Otsoa dantza taldea
-
Otsobatza Ataungo Kontsumo taldea
-
Pelotazale elkartea
-
Presoen lagunak
-
San Gregorioko jai komixioa
-
San Martingo jai komixioa
-
Torto gazte asanblada
-
Udal liburutegia
-
gipuzkoamendizmendi.net
-
kanpotik
-
Ataungo hiru auzoetako korrikaldiaren antolatzaileak
-
GURE ESKU DAGO
-
Otsotarrak
-
KORRIKA batzordea
-
Memoria historikoa berreskuratzeko Ataungo Herritar taldea
-
Liburu eta disko azoka
-
ATAUN IRRATIA
-
Mus batzordea
-
EATE ABESBATZA
