Ataungo Udalaren INFORMAZIO ZUZENA Whatsappez bidez jasotzeko aukera duzue. Mezuak jaso nahi badituzue:
1. GORDE zuen telefono mugikorreko KONTAKTUETAN 616 758 758 telefono-zenbakia.
2. BIDALI Whatsapp mezua: “INFORMAZIOA JASO NAHI DUT” 616 758 758 Telefonora.
Kaixo!
Asteburu honetako zine karteldegian:
Haurren saioan ‘Hotel Transilvania 3’, hotela daraman familia bereziaren oporraldiak jarraituz itsasoan zehar, eta Helduen saioan, Biboletak Ataungo Emakume taldearekin elkarlanean ‘María (y los demás)’, Mariak etxeko zaintzaren ardura izatetik bere bizitza bizitzeko saltoan erakutsiko diguna.
Gustoko izango dituzuelakoan,
Ondo pasa asteburua!
Asteburu honetan zine karteldegian:
Haurren saioan ‘Los futbolísimos’ izango dugu, eskolako futbol taldea mantentzeko haurren borroka erakutsiko diguna eta helduen saioan ‘Noviembre’, pertsonak bizirik sentiaraziko dituen artea aldarrikatuz kale antzerkiaz esperimentatuko duen taldearen abenturak kontatuko dizkigu.
Gustoko izango dituzuelakoan,
Asteburu ona izan!
Igande honetan, martxoak 31, 12:00etan Musikenek antolatutako “Gipuzkoako organoak plazara” zikloaren barruan San Martingo Elizan kontzertua izango dugu Cristina García Banegasen eskutik.
Kaixo,
Asteburu honetan Haurren saioan ‘Dixie eta matxinada zonbia’ izango dugu, euskaraz, Dixie gaztea Nigreda maltzurraren matxinadari aurre egiten.
Helduen saioan, aurreko astean aurreratu bezala bi dokumental izango ditugu aste honetan: ‘Erraiak’ eta ‘Taming winter’. Lazkaon proiektatu zituzten eta amaieran irrintziz betez aretoa. Ea Ataunen ere gustoko dituzuen!
ERRAIAK:
Kobazuloetatik datorkigun oihua. Entzun, sentitu eta kantatu egiten duguna. Hitzik gabeko hizkuntza. Erraietatik ateratzen zaiguna. Arbasoen oihartzuna.
Baina noiztik dugu irrintzia gure artean? Bizirik jarraitzen al du XXI. mendean? Hauek eta beste hainbat galderen erantzuna bilatzen duen ariketa da Erraiak dokumentala. Euskal Herriko txoko ezberdinetan barrena murgilduz irrintziaren jatorria eta hedapenaren azterketa egin dugu. Ze eragin du irrintziak kostaldeko marinelen jardunean? Zer eragin barrualdeko bailaren egunerokoan?
Ekain Martinez de Lizarduy irakasleak eta Arteman Komunikazioak lankidetzan egindako dokumental honek Euskal Herri osoan zehar irrintziarekin zerikusi zuzena duten pertsonen testigantzak jasotzen ditu. Nondik dator irrintzia? Nola deitzen zaio Nafarroako mendietan, Gipuzkoako bailaretan edota Bizkaiko kostaldean? Zein da soinu miresgarri honen arrazoi zientifikoa?
Irrintzia ardatz izanda ekoiztu den dokumental bakarra dugu hau, euskara hutsean grabatutakoa. Euskal kulturaren sakontze ariketa paregabea.
TAMING WINTER:
Andrea Arena eta Nicola Imoli italiarrek zuzendutako lana da Taming Winter, eta Europako hainbat inauterik hartzarekin eta neguarekin duten lotura aztertzen du. Urbiano Hartza (Italia), Sardiniako Mamuthoneak, Bruneck-eko Krampusa (Hego Tirol) eta Ituren eta Zubietako joaldunak agertzen dira, besteak beste, dokumentalean. Hainbat adituren azalpenak eta tokian tokiko testigantzak ere jaso dituzte.
Ondo pasa asteburua!
Aurretik ibilbide luzea izan arren, 6 urte betetzera iritsi da Ataun Irratia ostiral honetan (Martxoak 15).
Duela sei urte hasi zuen Ataun Irratiak bere ibilbidea eta egunero-egunero 24 orduz egon da zuzeneko emisioa. 2013.urtean, Ioar Aizpurua ataundarrak sorturiko proiektu bat den aldetik, irratiko zuzendari lanak egiten ditu.
Azken urte hauetan, kolaboratzaileak nahiz esatariak ere batu dira berarekin batera eta irratiak finkotasun bat hartu du gaur egungo gizarte honetan. Urteen eraginez entzule maila goruntz joan da eta parte hartzeak ere areagotu egin dira egindako aurrerapenekin.
2019an zerbait berezia egitea erabaki dute irratiko lantaldeko kideek. Atzo Ataun Irratiaren webgunearen bitartez Jagoba Apalategik aurkeztutako dokumental bat igorri zuten 21:00etan edonork ikus zezan. Bertan, irratian nola lan egiten den erakutsi nahi zuten eta azken urte hauetako aldaketak nolakoak izan diren ere kontatu zuten. Dokumentala berriro ikusteko aukera zabalik jarri da youtuben edo Ataun Irratiaren webgunean jada.
Bihar igandea, otsailaren 22an Ataungo Herri Antzokian grabatu zuten Ataun Irratiaren 6.urteurren jaialdia igorriko dute webgunearen bitartez 21:00etan.
Euskal Herriak, edo hobeki erran, euskal herriek eta herrialdeek badute berez izen eta izana.
Bakotxari zerk emaiten dio nortasun berezia? Errekako urak, duda gabe. Baina gehiago bizizaleek eta jende hauen eleek, mintzairak eta euskalkiak.
Martxoaren 14tik, herrian ibiliko dira lau lagunak Ataunen euskararen behatzen, jendeekilan kalakan, argazki hartzen: Gamarteko akordeonista, Gotaintar soinularia, Donibane Lohitzuneko argazkilaria eta Montoriko soinu biltzailea.
Emanaldian, beren kantuak, musikak eskaintuko dituzte bai eta Ataunen bildu jnedeen botzak, soiuak, argazkiak ere bai.
INAZIO MUNDUATE ARRUABARRENARI OMENALDIA ETA LIBURUEN AURKEZPENA
Inazio Munduate Arruabarrenak hainbat ordu sartu zituen Ataungo artxibo historikoan herriko historia aztertzen eta dokumentuak biltzen. Bere asmoa noizbait ikerketa horiek liburu formatuan ateratzea zen eta horren garaia iritsi zaigu.
Ataungo herriak Inaziok behar bezalako omenaldia prestatu dugu, eta berak arakatutako dokumentuetatik sortu diren Alaitz Imaz Arrondok eginiko bi liburu esku artean ditugu.
Omenaldia.
Martxoaren 24an, igandean, izango da, 12:00etan Herri Antzokian, eta bertara gonbidatu nahi zaituztegu (eserlekuak antzokiaren edukiera bete arte banatuko dira iritsi eran).
Liburuen banaketa.
“LEHENGO ETA ORAINGO ATAUN. XVI. mendetik XXI. mendera bitarteko lanbideak” eta “LEHENGO ETA ORAINGO ATAUN. Gerren zipriztinak” liburuak martxoaren 25etik apirilaren 17rarte banatuko dira bakoitza 5€tan udaletxeko bulego ordutegian:
Astelehenetik ostiralera, 9:00etatik 14:00etara
Astearteetan arratsaldez, 17:00etatik 19:00etara
Bi liburuak www.ataun.eus web orrian jarriko ditugu digitalki.
SILO BOLAK EGITEKO ERABILTZEN DEN
PLASTIKO BILKETA
Silo-bolak egiteko erabiltzen den plastikoaren bilketa zerbitzuaren datak jakinarazten dizkizuegu.
Bilketa hilean behin egingo da (hileko 3. asteartean) eta jadanik hilabete bakoitzeko egunak izendatuta daude:
2019 urtea
Martxoak 20
Apirilak 16
Maiatzak 21
Ekainak 18
Herrian bilketa puntuak ondorengoak dira:
Otadi Zelai baserrian, Ataungo herrirako bidean.
San Martin (mediku etxe atzean).
Suki zeharrean, Saltxeberri baserrirako bidegurutzean.
Arrateta aldean (Agerrerako bidegurutzean).
San Gregorio, Intxaustiko zubian.
Lauztierreka (Arratiñe bidegurutzean) eta Lauztiturrieta baserrian.
Oharrak:
- Birziklatzeko arazoak ematen dituztenez, plastikozkoak ez diren sokak ez ateratzea eskatzen da; plastikozko bidoirik ere ez.
- Plastikozko sokak, beste plastikoetatik berezituz, aparte atera behar dira, BI MULTZO EGINEZ, BATEAN PLASTIKOA, BESTEAK SOKAK.
- Mineralen zakuak atera ahalko dira, denak zaku batean sartu eta muturra sokatxo batez itxita.
- Mesedez plastikoak bezperatik atera (astelehenean) eta ez beste edozein egunetan.
Argitasun gehiago nahi izanez gero, deitu GOIMENeko 943 16 12 44 telefonora edo Udaletxera bertara.
Iragarki honen bitartez herritarroi aditzera ematen zaizue indarrean dagoen hautesle-zerrenda -udalerrian bizi diren hautesleak (CER) nahiz atzerrian bizi eta udalerri horretan erroldatuta daudenak (CERA)- aztergai izango duzuela martxoaren 11tik martxoaren 18ra bitartean, biak barne, udal honetako arreta bulegoan. Hartara, hautesleek erroldako datuak ondo agertzen diren egiaztatu ahal izango dute.
Zerrendak erakusgai egongo diren epearen barruan, egoki iritzitako zuzenketak egiteko nahiz zerrendan sartzeko edo bertatik ezabatzeko eskariak egin ahal izango ditu edozein herritarrek. Aipatutako erreklamazioak aurkezteko honako prozedura bete beharko da:
1.- Erreklamazioa interesdunak edo haren izenean jarduteko baimena duenak sinatu eta aurkeztu beharko du.
2.- Erreklamazioarekin batera, NANaren fotokopia aurkeztu beharko da, edo bestela, gidatzeko baimenaren edo pasaportearen kopia.
3.- Udalak Hauteskunde Erroldaren Gipuzkoako Bulegora bidaliko ditu aurkeztutako erreklamazio guztiak.
Kaixo!
Martxoak 15, 17, 18ko zine emanaldiak hauek izango dira: Haurren saioan ‘Los Increíbles 2’, superheroiek abenturak, familian rolak aldatuz eta etxeko txikienaren botereak kudeatu nahian. Eta helduen saioan ‘El gran cuaderno’, Bigarren Mundu Gerran bi haurrek bizi beharko duten gogortze prozesua kontatuz, Ágota Kristóf-en eleberrian oinarrituta.
Aurrerapen gisa, hurrengo asteburuan, Martxoak 22, 24, 25, errotuta ditugun ohituren inguruko bi dokumental izango ditugu, ‘Erraiak’ eta ‘Taming Winter’. Lehena irrintziaren inguruko ikerketan murgilduko da eta bigarrenak inauterien eta hartzaren arteko loturak aztertuko ditu Europako herrietan zehar. Oso interesgarriak biak.
Gustoko izango dituzuelakoan!
MARTXOAK 10,11KO ZINE KARTELDEGIA:
Haurren saioan ‘Mary eta sorginaren lorea’ animazioa izango dugu, lore bitxi baten bidez magia eskola batean murgilduko den gaztearen borrokak kontatuz eta helduen saioan ‘La novia del desierto’, zaintza lanen inguruan kokatzen gaituen film argentinar saritua, bi emakumeren zuzendaritzapean.
Martxoaren 8ko greba deialdia dela eta ostiralean ez da zinema emanaldirik egongo eta filmak ere testuinguru honetan proposatu ditugu.
Gustoko izango dituzuelakoan,
Ondo izan!