www.ataungoataria.eus


ataria zer da ataun.eus?

Ataungo herri informazioa batu eta zabaltzeko ataria da ataun.org. Herriko elkarte eta taldeek euren ekitaldien, jaien edota lan-lerroen berri emateko gunea izango dute hemen, eta beraz, herritarrek bertako ekimenen berri izango dute antolatzaileen euren lehen eskutik.

 

Informazioa zabaltzeaz gain, herri mugimendua saretzea eta koordinatzea ditu helburu atari honek. Era berean, elkarlana bultzatzeko eta herri ikuspegia zabaltzeko balioko digu guztioi.

 

Herriko elkarteek elikatuko dute ataria, talde bakoitzak bere txokoa izango baitu. Bakoitzak egoki ikusten duen informazio hori zabaltzeko eta gordetzeko balioko die atariak eragileei.

 

nola erabili? (irizpideak)

 

-Atari hau herritarrok herritarron (herriko talde eta elkarteen)  informazioa eskuratzeko gune bat da. Nork berearen berri eman, eta besteenaren berri izateko atari bat da. Funtzio hori bete beharko du bertan zabaltzen den informazioak.

-Herritarron saretzea du helburua, batzuek eta bestek egiten dituzten ekintza, ekitaldi eta jardueren berri izateko gunea da.

-Koordinazio gune bat izango da. Agenda, lan-lerro  eta ekitaldiak koordinatzeko balioko digu atariak.

-Ez da onartuko, inolaz ere, inor gutxiesteko, desprestigiatzeko eta kaltetzeko erabiltzea webgune hau, ez herritarrik ez elkarterik.

-Ataria elikatzeko herriko elkarte edo talde izan behar da.

-Erabiltzaileek (taldeek eta elkarteek) pasahitz batekin  albistegia, agenda eta argazkien eta bideoen bildumak elikatu ahal izango dituzte.