BASERRIARI BEGIRA SAN ISIDRO EGUNA 2019
COM_CONTENT_PUBLISHED_DATE_ON | 
Maiatzak 15, asteazkena
11:00etan azoka irekiera.
- Bertan herriko gazta dastatze eta barazki, ziza, landare… erakusketa izango da. Nahi duen orori postua jartzeko eskatzen zaio.
14:00etan bazkaria Pelotazale elkartean.
(Menua: Haragi zopa, pikatxa, arkumea, postrea eta kafea lagungarriekin. Bazkarirako izena eman behar da Udaletxean maiatzak 10 eguerdia baino lehen. 943 180011. Salneurria 25€)
Santi eta Katxo trikitilariak ere bertan izango dira.
HERRITARREN ERAKUSKETA
Herritarrak animatu nahi ditugu beraien urteko produktuak erakustera.
- Produktuak norberarenak eta herriko lurretan haziak izatea nahiko genuke.
-Barazki postua jartzen dutenek izango dute diru-laguntza eta bazkarirako txartela. Gazta, ziza eta gainontzeko postua jartzen dutenei ere bazkari-txartela emango zaie.
-Gazta aurkeztuko dutenek Miel Mari mendi zinegotziarekin jarri beharko dira harremanetan 669623477 telefonoan.
-Postua jarri nahi duenak izena eman beharko du udaletxean maiatzaren 10 eguerdia baino lehen.
BASERRIA ATAUNEN LEHEN ETA ORAIN ERAKUSKETA
Maiatzaren 15ean, Joan Arin Dorronsororen lanetan oinarritutako argazki erakusketa izango da San Gregorioko Zelai frontoian. Erakusketa hau Haitzarri, Murkondo eta Atauniker kultur elkarteek Arin familiarekin batera antolatutakoa da.
ABERRI EGUNA 2019-HAURRESKOLAKO MATRIKULAZIOA
COM_CONTENT_PUBLISHED_DATE_ON |
ABERRI EGUNA 2019
2019. urtean ez da Ataunen Aberri Egunaren ekitaldirik ospatuko, ataundar herritarrei Euskal herri mailan egingo diren ekitaldi desberdinetan parte hartzeko gonbitea zabaldu nahian.
Hala ere, nahiz eta ekitaldia ez antolatu, Aberri Eguna ospatzeko deiarekin bat eginez, ataundarron etxeetan ikurrina jartzeko gonbitea egin zaizue.
HAURRESKOLAKO MATRIKULAZIOA
Familia agurgarria:
Datorren ikasturteari begira, zuen seme-alabak Ataungo Haurreskolan matrikulatzera animatu nahi zaituztegu. Bertan, 0-2 urte bitarteko haurrentzat kalitatezko hezkuntza eskaintzen da.
Matrikulazio epea laster zabalduko da: maiatzaren 2tik maiatzaren 10era. Informazio gehiago nahi izanez gero haurreskolatik pasa, telefonoz deitu 943 180376 zenbakira, edo e-mail bitartez galdetu E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidean. Haurreskolako instalazioak ezagutu nahi badituzue lasai hurbildu antolatu dituzten ate irekietara. Hauexek izango dira ate irekien egunak eta ordutegia:
-Maiatzaren 2an, 13:30etatik 14:30etara.
16:00tatik 17:00etara.
-Maiatzaren 7an, 13:30etatik 14:30etara.
16:00tatik 17:00etara.
UDALEKUETAKO BEGIRALEEN LAN-DEIALDIA 2019
COM_CONTENT_PUBLISHED_DATE_ON |
2019 UDAKO HAUR ZAINTZA ZERBITZURAKO LAN DEIALDIA
Ataungo Udalak Udaran Haur Zaintza Zerbitzua burutzeko HEZITZAILEA kontratatzeko deialdia zabaltzen du. Ekainaren 24tik-Uztailaren 26ra arte.
Interesa duen orok izena eman dezake Ataungo Udaletxeko bulego orokorrean. Izena ematearekin batera Curriculuma aurkeztu behar da eta bertan adierazitako,
+ Tituluak
+ Diploma
+ Bestelako egiaztagiriak: Sexu delituen aurrekaririk ez duela jasotzen duen ziurtagiria. (Urtarrilaren 15eko1/1996 Lege Organikoak, Adingabearen Babes Juridikoari buruzkoak,13.5 artikuluan eskatutako ziurtagiria).
Bereziki balioetsiko da:
Haur Hezkuntza titulua izatea.
Euskaraz hitz egitea; Lan esperientzia: Haur zaintzan eta Haur Hezkuntzan lan egin izana.
2019 HAUR UDALEKU IREKIETAKO BEGIRALEEN LAN DEIALDIA
Ataungo Udalak haur udalekuetarako BEGIRALEAK kontratatzeko deialdia zabaltzen du. Ekainaren 24tik-Uztailaren 26ra arte.
Interesa duen orok izena eman dezake Ataungo Udaletxeko bulego orokorrean. Izena ematearekin batera Curriculuma aurkeztu behar da eta bertan adierazitako,
+ Begirale Titulua
+ Diploma
+ Bestelako egiaztagiriak: Sexu delituen aurrekaririk ez duela jasotzen duen ziurtagiria . (Urtarrilaren 15eko1/1996 Lege Organikoak, Adingabearen Babes Juridikoari buruzkoak,13.5 artikuluan eskatutako ziurtagiria).
Bereziki balioetsiko da:
Euskaraz hitz egitea; Lan esperientzia:Udalekuetan lan egin izana.
Hauetarako izena emateko eta dagozkion agiriak aurkezteko,
Udaletxeko Bulego orokorrean aurkeztu beharko dira,
Astelehenetik ostiralera 9:00etatik-14:00ra, Asteartetan 17:00etatik 19:00etara
943180011
EPEA: APIRILAk 29tik – MAIATZAk 10a arte.
Deialdian parte hartzeko interesa izanez gero eta edozein zalantza argitzeko, Teknikariarekin harremanetan jarri.
E-mail hau spam roboten kontra babestuta dago. JavaScript aktibatuta izatea behar duzu hau ikusteko.
HAUR UDALEKUETAN BEGIRALE PRAKTIKAK BURUTZEKO AUKERA
Herrian antolatzen diren HAURREN UDALEKUETAN, begirale titulua atereatzen ari zareten herritarrei, bolondres modura BEGIRALE PRAKTIKAK egiteko aukera zabaltzera gatoz.
Haurrekin jardutea gustuko duzuen edota geroan zuen burua heziketa inguruan ikusten duzuenontzat interesgarria izango delakoan gaude. Esperientzi berri bat bizitzearekin bat, heziketaren mundua barnetik ezagutzeko aukera izango duzue.
Udalekuak, 3-12 urte bitarteko haurrekin eramaten dira aurrera eta Ekainaren 24tik Uztailaren 26ra arte izango dira, goizeko ordutegian.
EPEA: APIRILAk 29tik – MAIATZAk 10a arte.
Eskaera orria udaletxean egongo da eskuragarri. Adin txikikoa bazara, familiaren baimena betetzea derrigorrezkoa izango da.
Udaldiaren amaieran, udaletxeak, udalekuetan parte hartu duen gazteari bolondres lanean egin dituen orduen ziurtagiri bat luzatuko dio edo eta Praktikak burututako ziurtagiria ofiziala ere bai.
Besterik gabe, parte hartzera animatuz agurtzen gara.
Ataungo udaldiko haur, nerabe eta gazte ekintzen koordinazio taldea.
Hauetarako izena emateko eta dagozkion agiriak aurkezteko,
Udaletxeko Bulego orokorrean aurkeztu beharko dira,
Astelehenetik ostiralera 9:00etatik-14:00ra, Asteartetan 17:00etatik 19:00etara
943180011
Deialdian parte hartzeko interesa izanez gero eta edozein zalantza argitzeko, Teknikariarekin harremanetan jarri.
E-mail hau spam roboten kontra babestuta dago. JavaScript aktibatuta izatea behar duzu hau ikusteko.
HERRI LANGILE BATEN KONTRATAZIOA
COM_CONTENT_PUBLISHED_DATE_ON |
1.- Deialdia
Lan metaketa dela eta, Ataungo Udalak herri-langile bat kontratatuko da, lanaldi osoan eta gehienez zazpi hilabetetako epean.
2.- Bete beharreko funtzioak
Egin beharreko lanak, besteak beste, honakoak izango dira:
- Bide publikoaren garbitasunari dagozkion lanak egitea, dauden makina edo orga erabiliz horretarako, ezarririko irizpideen arabera.
- Pintatze, ormak garbitze eta lorategi lanak egin.
- Hesiak, taulatua, seinaleak, eta abar jarri, muntatu eta desmuntatu.
- Lanak burutzeko behar diren gaiak eta materialak eskatu Arduradunari.
- Garraiatu beharreko materialak kargatu eta deskargatu.
- Noizean behin lana betetzeko eta zerbitzuaren beharrek eragindako ordutegi malgutasunari egokitzea.
- Segurtasun eta Higieneko arauak betetzea.
- Lorategi, mendi, nekazal bide, parke eta abarren mantenimenduari dagozkien lanak egin (belarra moztu eta jaso, zuhaitzak eta berroak kimatu, ureztatu, etab) lan plangintza ezarritako irizpideen arabera.
- Lorategi eta landaretza berriak egiteko beharrezko diren lanak burutu (lursailak prestatu, loreak eta zuhaixkak landatu, erein, etab.).
- Simaurketan zein intsektizida materialen erabilpenean lagundu.
- Oro har lanpostuaren arabera agintzen zaizkion zeregin guztiak betetzea, hau da, lorazaintza, obrak edo garbitasuneko peoi lanak.
3.- Hautagaiek bete beharreko baldintzak
Adina: 18tik 65 urtera arte
Lanbide kalifikazioa: obra langilea.
Esperientzia: Mantentze lanak.
Makinaria erabiltzea: Esku-motosega.
B gida baimena edo parekoa izatea.
Eskolaratze agiria edo titulu baliokideren bat izatea.
Euskara jakitea.
4.- Probak
Probak ondorengoak izango dira:
a)Ariketa teorikoa: epaimahaiak erabakitako eta lanpostuarekin zerikusia duen eta izaera teoriko-praktikoa duten zenbait gai ebatzi beharko dira.
b) Ariketa praktikoa: proba bat edo hainbat egin beharko dira, eta deialdian zehaztutako funtzioak betetzeko gaitasuna izatea frogatu beharko da.
Lanpostu honetan interesaturik dauden pertsona guztiek, apirilaren 5etik 12ra (biak barne), Lanbide Enplegu Zerbitzuko bulegoetan eman beharko dute izena. Langilearen betebeharrei eta lan baldintzei buruz (lansaioa, ordutegia,soldata...), Lanbiden informatuko zaituztete.
Langilearen kontratazioa 2019ko apirilaren 23an hasiko da.
GIPUZKOAKO ORGANOAK PLAZARA 2019
COM_CONTENT_PUBLISHED_DATE_ON |
Igande honetan, martxoak 31, 12:00etan Musikenek antolatutako “Gipuzkoako organoak plazara” zikloaren barruan San Martingo Elizan kontzertua izango dugu Cristina García Banegasen eskutik.
ZÜEK HEBEN-EUSKAL HERRIKO ATLAS GEOPOETIKOA
COM_CONTENT_PUBLISHED_DATE_ON |
Euskal Herriak, edo hobeki erran, euskal herriek eta herrialdeek badute berez izen eta izana.
Bakotxari zerk emaiten dio nortasun berezia? Errekako urak, duda gabe. Baina gehiago bizizaleek eta jende hauen eleek, mintzairak eta euskalkiak.
Martxoaren 14tik, herrian ibiliko dira lau lagunak Ataunen euskararen behatzen, jendeekilan kalakan, argazki hartzen: Gamarteko akordeonista, Gotaintar soinularia, Donibane Lohitzuneko argazkilaria eta Montoriko soinu biltzailea.
Emanaldian, beren kantuak, musikak eskaintuko dituzte bai eta Ataunen bildu jnedeen botzak, soiuak, argazkiak ere bai.
INAZIO MUNDUATE ARRUABARRENARI OMENALDIA-SILO BOLEN PLASTIKO BILKETA
COM_CONTENT_PUBLISHED_DATE_ON |
INAZIO MUNDUATE ARRUABARRENARI OMENALDIA ETA LIBURUEN AURKEZPENA
Inazio Munduate Arruabarrenak hainbat ordu sartu zituen Ataungo artxibo historikoan herriko historia aztertzen eta dokumentuak biltzen. Bere asmoa noizbait ikerketa horiek liburu formatuan ateratzea zen eta horren garaia iritsi zaigu.
Ataungo herriak Inaziok behar bezalako omenaldia prestatu dugu, eta berak arakatutako dokumentuetatik sortu diren Alaitz Imaz Arrondok eginiko bi liburu esku artean ditugu.
Omenaldia.
Martxoaren 24an, igandean, izango da, 12:00etan Herri Antzokian, eta bertara gonbidatu nahi zaituztegu (eserlekuak antzokiaren edukiera bete arte banatuko dira iritsi eran).
Liburuen banaketa.
“LEHENGO ETA ORAINGO ATAUN. XVI. mendetik XXI. mendera bitarteko lanbideak” eta “LEHENGO ETA ORAINGO ATAUN. Gerren zipriztinak” liburuak martxoaren 25etik apirilaren 17rarte banatuko dira bakoitza 5€tan udaletxeko bulego ordutegian:
Astelehenetik ostiralera, 9:00etatik 14:00etara
Astearteetan arratsaldez, 17:00etatik 19:00etara
Bi liburuak www.ataun.eus web orrian jarriko ditugu digitalki.
SILO BOLAK EGITEKO ERABILTZEN DEN
PLASTIKO BILKETA
Silo-bolak egiteko erabiltzen den plastikoaren bilketa zerbitzuaren datak jakinarazten dizkizuegu.
Bilketa hilean behin egingo da (hileko 3. asteartean) eta jadanik hilabete bakoitzeko egunak izendatuta daude:
2019 urtea
Martxoak 20
Apirilak 16
Maiatzak 21
Ekainak 18
Herrian bilketa puntuak ondorengoak dira:
Otadi Zelai baserrian, Ataungo herrirako bidean.
San Martin (mediku etxe atzean).
Suki zeharrean, Saltxeberri baserrirako bidegurutzean.
Arrateta aldean (Agerrerako bidegurutzean).
San Gregorio, Intxaustiko zubian.
Lauztierreka (Arratiñe bidegurutzean) eta Lauztiturrieta baserrian.
Oharrak:
- Birziklatzeko arazoak ematen dituztenez, plastikozkoak ez diren sokak ez ateratzea eskatzen da; plastikozko bidoirik ere ez.
- Plastikozko sokak, beste plastikoetatik berezituz, aparte atera behar dira, BI MULTZO EGINEZ, BATEAN PLASTIKOA, BESTEAK SOKAK.
- Mineralen zakuak atera ahalko dira, denak zaku batean sartu eta muturra sokatxo batez itxita.
- Mesedez plastikoak bezperatik atera (astelehenean) eta ez beste edozein egunetan.
Argitasun gehiago nahi izanez gero, deitu GOIMENeko 943 16 12 44 telefonora edo Udaletxera bertara.
DIPUTATUEN BILTZAR ETA SENATURAKO HAUTESKUNDEAK 2019-04-28, HAUTESLEEN ZERRENDAK IKUSGAI
COM_CONTENT_PUBLISHED_DATE_ON |
Iragarki honen bitartez herritarroi aditzera ematen zaizue indarrean dagoen hautesle-zerrenda -udalerrian bizi diren hautesleak (CER) nahiz atzerrian bizi eta udalerri horretan erroldatuta daudenak (CERA)- aztergai izango duzuela martxoaren 11tik martxoaren 18ra bitartean, biak barne, udal honetako arreta bulegoan. Hartara, hautesleek erroldako datuak ondo agertzen diren egiaztatu ahal izango dute.
Zerrendak erakusgai egongo diren epearen barruan, egoki iritzitako zuzenketak egiteko nahiz zerrendan sartzeko edo bertatik ezabatzeko eskariak egin ahal izango ditu edozein herritarrek. Aipatutako erreklamazioak aurkezteko honako prozedura bete beharko da:
1.- Erreklamazioa interesdunak edo haren izenean jarduteko baimena duenak sinatu eta aurkeztu beharko du.
2.- Erreklamazioarekin batera, NANaren fotokopia aurkeztu beharko da, edo bestela, gidatzeko baimenaren edo pasaportearen kopia.
3.- Udalak Hauteskunde Erroldaren Gipuzkoako Bulegora bidaliko ditu aurkeztutako erreklamazio guztiak.
JOXEMARTIN APALATEGIRI OMENALDIA - ERLAUNTZAKO PRODUKTUEN ONURAK HITZALDIA
COM_CONTENT_PUBLISHED_DATE_ON |
JOXEMARTIN APALATEGI BEGIRISTAINEN LIBURU AURKEZPENA ETA OMENALDIA
Joxemartin Apalategi Begiristainen jaioteguna aitzakia hartuta, otsailaren 17an omenaldia egingo diogu. Bertan, Ataungo Udalak eta Utriusque Vasconiaek argitaratutako “Joxemiel Barandiaran eta biok” liburua aurkezteko tartea hartuko da, horrela, Apalategiren pertsona eta bere lanak balioan jarriz.
Herritarrak gonbidatuta zaudete otsailaren 17an, 12:00etan Herri Antzokian ospatuko den omenaldi honetara (eserlekuak antzokiaren edukiera bete arte banatuko dira iritsi eran).
Liburuen banaketa.
Joxemartinen eskuizkribuen “Joxemiel Barandiaran eta biok” liburua otsailaren 18tik 22ra banatuko dira 5€tan udaletxeko bulego ordutegian:
Astelehenetik ostiralera, 9:00etatik 14:00etara
Astearteetan arratsaldez, 17:00etatik 19:00etara
Ataun beka: “Joxemartin Apalategi Begiristain”.
Honekin batera, 2019. urteko Ataun beka: “Joxemartin Apalategi Begiristain” martxan jarriko da. Historian zehar eta gaurdaino, Ataunen EMAKUMEAK daukan presentzia, ezaugarriak eta garrantzia ardatz izango duen ikerketa gaia kontuan hartuta, proiektuak aurkezteko azken eguna apirilaren 30a izango da.
ERLAUNTZAKO PRODUKTUEN ONURAK
Otsobatza Kontsumo Taldeak Ataungo Udalaren babesarekin erlauntzako produktuek gure osasunerako dituzten onuren berri ezagutarazteko hitzaldia antolatu du. Bertan, gure erleek ekoizten dituzten eztia, polena, erregina-jalea eta propoleoari buruzko berri emango da. Jon Etxeberria ataundar erlezainak erleek nola ekoizten dituzten azalduko du eta Silvana Huegun Eibarko Oreka Zentroko Dietista-Nutrizionista ezaguna aldiz, produktuon berezitasunez jardungo da. Hitzaldia, otsailaren 28 ostegunez udaletxeko Pleno Aretoan izango da arratsaldeko 18.00tan. Hitzaldi hau 2019. Urteko San Isidro egunaren baitan izango da.
-
Agauntza kirol elkartea
-
Aiako jai komixioa
-
Aizkoate elkartea
-
Artadi elkartea
-
Ataun kirol elkartea
-
Ataungo Udala
-
Atauniker kultur elkartea
-
Atseden toki elkartea
-
Auzoeta kiroldegia
-
Barandiaran Fundazioa
-
Barandiaran museoa
-
Biboletak Ataungo emakume taldea
-
Erbia elkartea
-
Euskara taldea
-
Gaztelekua
-
Guraso elkartea
-
Haitzarri elkartea
-
Herri Antzokia
-
Hiru txilipurditan
-
Irakurle taldea
-
J.M.B.Herri ikastetxea
-
Murkondo elkartea
-
Jentilbaratza elkartea
-
Karitas
-
Oargi elkartea
-
Odol emaile elkartea
-
Otsoa dantza taldea
-
Otsobatza Ataungo Kontsumo taldea
-
Pelotazale elkartea
-
Presoen lagunak
-
San Gregorioko jai komixioa
-
San Martingo jai komixioa
-
Torto gazte asanblada
-
Udal liburutegia
-
gipuzkoamendizmendi.net
-
kanpotik
-
Ataungo hiru auzoetako korrikaldiaren antolatzaileak
-
GURE ESKU DAGO
-
Otsotarrak
-
KORRIKA batzordea
-
Memoria historikoa berreskuratzeko Ataungo Herritar taldea
-
Liburu eta disko azoka
-
ATAUN IRRATIA
-
Mus batzordea
-
EATE ABESBATZA
