Ataungo Udalaren INFORMAZIO ZUZENA Whatsappez bidez jasotzeko aukera duzue. Mezuak jaso nahi badituzue:
1. GORDE zuen telefono mugikorreko KONTAKTUETAN 616 758 758 telefono-zenbakia.
2. BIDALI Whatsapp mezua: “INFORMAZIOA JASO NAHI DUT” 616 758 758 Telefonora.
Asteburu hontan haurren filma “Ratchet Clank” izango da, ikusle guztiei zuzendurik dagoen animazioa. Helduen filma “La chica danesa” izango da, drama barruan, amodioa, transexualitatea eta transgenero gaiak uztartzen dituena. Hau, Biboletak Ataungo Emakumeen taldeak proposaturikoa izanik.
Bestalde, jakinarazi nahi dizuegu hurrengo asteburuan Inauteriak direla eta ez dela zine emanaldirik izango.
Otsailaren 22an jaialdi umoretsua izango da Ataungo Herri Antzokian Ataun Irratiaren eskutik.
Duela sei urte hasi zen Ataun Irratiaren proiektua, 2013ko martxoaren 15ean zehazki. Ibilbide gorabeheratsua izan arren, gogor eutsi eta aurrera eginaz jarraitu du proiektuak azken urte hauetan. 6.urteurrenera iristear gauden honetan, jaialdi bat antolatu dugu orain arteko ibilbide honetan lagundu diguten guztiei eskerrak eman ahal izateko.
Jaialdia, 2019ko otsailaren 22an izango da Ataungo Herri Antzokian. Bertan Euskal Herriko musikari, abeslari, aktore eta herritarrek hartuko dute parte. Hauen denen artean: Xabier Saldias, Zuriñe Hidalgo, Sara Zozaya, Maider Zabalegi, Julen Alonso, Iñigo Txapelpunk, Monika Arratibel, Otsoak Dantza taldea eta Ioar Aizpurua izango ditugu.
Herri Antzokiko jaialdi honetara joateko, aurrez izena ematea nahitaezkoa izango da. Izen ematea, zabalik duzue jada Ataun Irratiaren webgunean eta Ataungo Troskaeta tabernan. Behin izena emanda, jaialdira iristen zarenean, 3,50€ ordaindu beharko dituzu sarrera bakoitzeko.
Jaialdia telebistako saio baten antzerakoa izango denez, grabaketak egiten egongo gara edozein unetan. Saio hau, zuzenean ikusteko aukera izango duzu Martxoaren 17an iluntzeko 21:00etan Ataun Irratiaren webgunearen bitartez. Animatu eta zatoz!
Asteburu hontan haurren filma "Bebe jefazo" izango da, ikusle guztiei zuzenduriko animazioa. Helduen filma "La Comuna" izango da, 12 urtetik gorako ikusleei zuzenduriko drama.
KLIKA KORRIKARI!
21. KORRIKA hemen dugu eta KORRIKAri laguntza eman nahian herrian batzordea sortu da. Norbaitek ekarpenen bat edo batzordean parte hartu nahiko balu, hementxe dituzue zehazturik izendatu diren bilera egunak:
Otsailak 21, osteguna, 19:00etan San Gregorioko Elkargunean
Martxoak 7, osteguna, 19:00etan Udaletxeko Pleno Aretoan
Martxoak 21, osteguna, 19:00etan San Gregorioko Elkargunean
Apirilak 4, osteguna, 19:00etan Udaletxeko Pleno Aretoan
LAGUNTZA MOTAK:
NOIZ PASAKO DA 21. KORRIKA?
Apirilaren 13 goizaldean sartuko da KORRIKA Goierrin.
ANIMATU!!
ATAUNGO KORRIKA BATZORDEA
JOXEMARTIN APALATEGI BEGIRISTAINEN LIBURU AURKEZPENA ETA OMENALDIA
Joxemartin Apalategi Begiristainen jaioteguna aitzakia hartuta, otsailaren 17an omenaldia egingo diogu. Bertan, Ataungo Udalak eta Utriusque Vasconiaek argitaratutako “Joxemiel Barandiaran eta biok” liburua aurkezteko tartea hartuko da, horrela, Apalategiren pertsona eta bere lanak balioan jarriz.
Herritarrak gonbidatuta zaudete otsailaren 17an, 12:00etan Herri Antzokian ospatuko den omenaldi honetara (eserlekuak antzokiaren edukiera bete arte banatuko dira iritsi eran).
Liburuen banaketa.
Joxemartinen eskuizkribuen “Joxemiel Barandiaran eta biok” liburua otsailaren 18tik 22ra banatuko dira 5€tan udaletxeko bulego ordutegian:
Astelehenetik ostiralera, 9:00etatik 14:00etara
Astearteetan arratsaldez, 17:00etatik 19:00etara
Ataun beka: “Joxemartin Apalategi Begiristain”.
Honekin batera, 2019. urteko Ataun beka: “Joxemartin Apalategi Begiristain” martxan jarriko da. Historian zehar eta gaurdaino, Ataunen EMAKUMEAK daukan presentzia, ezaugarriak eta garrantzia ardatz izango duen ikerketa gaia kontuan hartuta, proiektuak aurkezteko azken eguna apirilaren 30a izango da.
ERLAUNTZAKO PRODUKTUEN ONURAK
Otsobatza Kontsumo Taldeak Ataungo Udalaren babesarekin erlauntzako produktuek gure osasunerako dituzten onuren berri ezagutarazteko hitzaldia antolatu du. Bertan, gure erleek ekoizten dituzten eztia, polena, erregina-jalea eta propoleoari buruzko berri emango da. Jon Etxeberria ataundar erlezainak erleek nola ekoizten dituzten azalduko du eta Silvana Huegun Eibarko Oreka Zentroko Dietista-Nutrizionista ezaguna aldiz, produktuon berezitasunez jardungo da. Hitzaldia, otsailaren 28 ostegunez udaletxeko Pleno Aretoan izango da arratsaldeko 18.00tan. Hitzaldi hau 2019. Urteko San Isidro egunaren baitan izango da.
Kaixo,
Asteburu honetako zine emanaldiak hauek izango dira:
Haurren saioan ‘Peter Rabbit’ eta bere lagunak bizilagunaren baratzean bihurrikerietan, hau eromenera eramanez, eta Helduen saioan ‘Mark Felt. El informante’, Estatu Batuetako eskandalu politiko esanguratsuenetakoa azaleratu zuenaren istorio errealean oinarritutako filma.
Gustoko izango dituzuelakoan,
Kaixo,
Aste honetako zine emanaldiak hauek izango dira:
Haurren saioan ‘Mi amigo el gigante’ , Londreseko neskato batek eta bere lagun erraldoiak hirian biziko dituzten abenturak kontatuz, ikusle guztientzat. Eta helduentzat, ‘Toc toc’ komedia, euren psikologoaren zain itxaronaldi berezia izango duen taldearen inguruan, 7 urtetik gorakoentzat.
Ondo pasa asteburua!
Kaixo,
Aste honetako karteldegian:
Haurren saioan ‘Leo da Vinci’ animazioa, Leo eta Giocondaren abenturak kontatuz altxor baten bila, ikusle guztiei zuzendua. Helduen saioan, Biboletak Ataungo Emakume Taldearekin elkarlanean, ‘Una Mujer Fantástica’ filma. Bertan, Marina aurkeztuko da, familia eta gizartearen aurrean emakume itzela dela egiaztatuz. 12 urtetik gorako ikusleentzat.
Gustoko izango dituzuelakoan,
Asteburu ona pasa!
Kaixo,
Hemen duzue asteburu hontako zine karteldegia:
Haurren filma “Sherlock Gnomes” izango da, Londreseko lorategi bateko ipotxek biziko dituzten abesturak kontatuz, ikusle guztiei zuzenduriko animazioa. Helduena “ En tránsito” izango da, Bigarren Mundu Gerran Ameriketan errefuxiaturiko europear baten egoera kontatuz, Anne Seghers idazle alemaniarraren 1942ko eleberri semiautobiografikoan oinarritua.
Gustoko izango dituzuelakoan,
Ondo pasa asteburua!
Kaixo,
Bueltan gara zine emanaldiekin!
Hemen duzue asteburu honetako karteldegia:
Haurren filma 'Bigfooten semea' izango da eta eta helduena 'La número uno' .
Gustoko izango dituzuelakoan, karteldegia sinopsiekin: