Inprenta akats bat dago aurreko astean banatutako Hip Hip Urri! liburuxkan: 49. orrialdean iragartzen da urriaren 14an antzerki-emanaldia izango dela ikastetxean 10 urtetik gorakoentzat. Azken datu hori ez dago ondo; izan ere, saioa ikusle guztientzat da, 10 urtetik beherakoentzat ere bai, ez baitago adin mugarik.

Ataungo Udala

2016-2017 ikasturtea hasi da jada eta berarekin Parte-hartze Sustapeneko Zerbitzua(PSZ) proposamen berriekin gatoz lehen bait lehen martxa hartzeko.

GURASOEN BILERA DEIALDIA-URRIAK 04

Felix Ugarte Elkarteak, lurpeko eremuen ikerketa eta zaintzaz arduratzen denak, eta Gipuzkoako Parketxe Sarea Fundazioak, zailtasun errazeko irteera bat antolatu dute Aralarko Natura Parkean barrena, urriaren  8an, larunbatez.

Irteera Troskaeta kobara egingo den txango espeleologikoa izango da, zailtasun tekniko gutxikoa. Garapen errazeko barrunbearen erakuskari bikaina da, non, sona emango zion Ursus speleaus haitzuloetako hartzaren aztarnak aurkitu ziren 1946. Urtean, aztarnategi paleontologiko ederra beraz.

Intzartzuko haitzen iparreko mazeletan kokatzen da barrunbearen sarrera, eta hori dela eta ez da erraza suertatzen bertaratzea.

Irteera urriaren 8an izango da, larunbatez, eta abiapuntua San Martineko aparkalekua izango da 9:30ean. Barrunberainoko hurbilketak ordubete iraungo du San Martinetik eta kobaren bisitak ordubete-ordu eta erdi iraungo du. Itzulera 14:30etarako dago aurreikusita San Martineko aparkalekura.

Antolakuntzak kaskoa, argiteria eta eskularruak eramango ditu parte-hartzaileentzat, baina uretako oinetakoak eta aldatzeko arropa eramatea gomendatzen da. Xira-galtzak eramatea ere ez dago sobera. Hogeita bost euroko tarifa dauka eta aurrez ordaindu behar da.

Txangoan parte hartzeko derrigorrezkoa da aldez aurretik izena ematea, Aralarko Parketxera deituta, 943180335 zenbakira, edota E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidera mezua idatziz.

Jada abian dugu aurtengo Ataungo Argazki Ralia. Urriaren 2an ospatuko dugu aurtengoan, urtero bezala, izen-ematea goizeko 9:00etatik 10:00etara izango da Ataungo udaletxean. Ala eta guztiz ere argibide guztiak eta oinarriak hemen dituzue atxikirik.

Ostiral honetan, hilak 30, izango dugu Antzeztaunen 3. saioa. Joxemari Carrerek "Maitasunaren arbola (ipuin pre-erotikoak)" ikuskizuna eskainiko digu Artadi Kultur Elkartean 22:00etan.