Ataungo Udalaren INFORMAZIO ZUZENA Whatsappez bidez jasotzeko aukera duzue. Mezuak jaso nahi badituzue:
1. GORDE zuen telefono mugikorreko KONTAKTUETAN 616 758 758 telefono-zenbakia.
2. BIDALI Whatsapp mezua: “INFORMAZIOA JASO NAHI DUT” 616 758 758 Telefonora.
PLASTIKO BILKETAKO 2015/2016 KANPAINAREN AMAIERA
Idatzi honen bitartez gogorarazten dizuegu, 2015/2016 kanpainako azken plastiko bilketa eguna ekainak 21a (asteartea) izango dela.
Kanpaina honek irailetik ekainera bitarteko iraupena izaten duenez,
datorren irailean berriro ere 2016/2017 kanpainako egutegia bidaliko
dizuegu.
HERRIKO POSTONTZIAK
Posta jasotzeko, gure etxeetan eta kanpoan kokaturik dauden postontzi asko, izenik gabe eta nahiko egoera desegokian aurkitzen dira.
Udaletik, postontzi bakoitza norena den jakiteko eta okerreko ontzirik ez erabiltzeko, bakoitzak bere Postontziari, izena jarri eta egokitzeko eskatzen dizuegu.
AUZOLANA
Kaxio ibilbideko aulkiak AUZOLANEAN txukuntzeko asmoa hartu dugu.
Txukunketa lanak egiten hasteko AUZOLANA, ekainaren 18an, larunbatean, antolatu dugu. Parte hartu nahi duzuen herritar guztioi, goizeko 8etan San Martingo plazan elkartzeko deia egiten dizuegu.
Udalak, herriko txokoak elkarlanean txukundu eta osatzeko, abian jarri zuen AUZOLAN ekimenean, herritarrok parte hartzeko deia luzatzen dizue.
Ondorenen hamaiketakoa jarriko da.
HERRI BIDEEN INBENTARIOA
Aurreko udal agirietan adierazi bezala, Teknikariek, herritarren laguntza eta ekarpenekin, Herri Bideen inbentarioaren zirriborroa prestatu dute eta Maiatzaren 5eko udal osoko batzarrak bere hasierako onespena ere emana dio.
Harrezkero, hilabete batez, herritarrek behar den patxadaz zirriborroa ikusteko eta beren ekarpenak egiteko, Udaletxeko lehen solairuan ikusgai jarrita izan da.
Dagoeneko, herritar ugarik ikusi duzue zirriborroa eta bertan egon daitezkeen edo ikusi dituzuen akatsak argitzeko eta erantzuteko, inbentarioa egiteaz arduratu diren teknikariak Udaletxean bertan izango ditugu, gure kezka eta galderak argitu asmoz.
Herri Bideen Inbentarioaren zirriborroa egin duten Teknikariak, ondorengo egun eta orduetan Udaletxeko Pleno Aretoan izango dira:
- Ekainaren 21a, asteartea, goizeko 10etatik 14ak arte.
- Ekainaren 22a, asteazkena, arratsaldeko 15:30etatik 20ak arte.
- Ekainaren 28a, asteartea, goizeko 10etatik 14ak arte.
- Ekainaren 29a, asteazkena, 15:30etatik amaitu arte.
Teknikariekin egoteko asmoa duzuen herritarrok, jende pilaketarik gerta ez dadin, udaletxera deitu eta HITZORDUA hartzea komeni da. Udaletxeko tlfa: 943180011
Guillermo eta Elena: Herri Bideen Inbentarioaren zirriborroa egin duten Teknikariak.
Aralarko anfibio eta narrastiak ezagutzeko irteera
Aralarko anfibio eta narrastiak ezagutzeko irteera
Aralarko Parketxe Hedatuak aukera ezin hobea eskainiko du aurten ere Aralarren aurki daitezken narrasti eta anfibioak ezagutzeko, Ander Izagirre adituaren eskutik.
Ataungo Lareoko urtegiaren inguruan egingo da irteera igande honetan, ekainak 19, eta hitzordua Lizarrustiko Parketxean izango da, goizeko 10:00etan.
Jarduera goiz osokoa izango da eta ibilaldia zailtasunik gabekoa.
Urtegiaren inguruan narrasti eta anfibio espezie ugari bizi dira, lekua ezin aproposagoa da animalia hauentzat, ura baliabide dutela, inguruan dauden baso, harkaitz, zelai eta sastraka ugari dituzte eta babesleku gisa.
Irteera hau adin guztientzat dago pentsatuta, helduak zein haurrak, familiak zein norbanakoak. Aukera paregabea da Aralarren ditugun anfibio eta narrastiei buruz gehiago ikasteko, ikusiz ikasten baita eta ezagutuz maitatzen da eta.
Zatoz Aralarko sekretuak ezagutzera!
Izena emateko eta informazio gehiagorako honako telefono zenbakiak daude bisitarien eskura: 943 18 03 35 / 688 89 50 69, hala nola helbide elektronikoa E-mail hau spam roboten kontra babestuta dago. JavaScript aktibatuta izatea behar duzu hau ikusteko. .
Prezioa 5€-koa izango da pertsonako.
Hegaztien askatzea lizarrustin
BERRIZ ASKE HEGAN
Arrano Etxean berreskuratutako hegaztien askapena Lizarrustiko Parketxean
Larunbat honetan, ekainak 11, Igeldoko Arrano Etxean sendatutako hainbat hegazti askatuko dira Lizarrustiko Parketxean.
Zentro honetan arrazoi desberdinak direla medio zauritutako edo gaixotutako animaliak sendatzen dituzte eta hauek ahalik eta lasterren beren ingurune naturalera itzultzea da haien xedea.
Goizeko 11:00etan hasiko da saioa. Bertaratzen direnak Lizarrustiko Parketxean elkartuko dira eta 15 minutuz oinez egin ondoren, leku egoki eta eder batean askatuko dira hegaztiok, berriro ere askatasunean hegan egiteko aukera emanez.
Mikel Olano basozaina izango da askapenaren arduraduna, animaliok oso ondo ezagutzen ditu eta bere ahotik entzungo ditugu azalpen guztiak.
Familian egiteko plan ederra proposatzen du beraz Gipuzkoako Parketxe Sareak, hegaztiak gertutik ezagutu eta askatasunean mendira nola itzultzen diren ikusiz.
Jarduera doakoa izango da.
Zatozte gurekin momentu magiko hau bizitzera!
Izena emateko edota informazioa osatzeko:
Lizarrustiko Parketxea 943 18 03 35 edota E-mail hau spam roboten kontra babestuta dago. JavaScript aktibatuta izatea behar duzu hau ikusteko.
Ekaineko Herri Antzokiko programazioa
Hemen duzue ekainean zehar Herri Antzokian izango diren ekintzen programazioa.
Besteak beste, ekainaren 1 ean Udaberriko zirko jaialdia izango dugu; eta ekainaren 6 an "Marionetes nómades" saioa, hau Astigarragako parkean izango dela lehenetsi da, baina eguraldi txarra eginez gero Herri Antzokian burutuko da. Biak Hiru Txilipurditanen eskutik.
Ekainaren 9an, "Udaberri festa" antolatu dute Lazkao Txiki Musika Eskolak, Otsoak Dantza Taldeak eta Eate Abesbatzaren artean.
Ekainaren 28an, Murkondo Kultur Elkarteak Herri Antzokiarekin elkarlanean, 3. urtez "Zinema Gau Giroan" izenpean ezagutzen diren gaueko zinema saioei hasiera emango diegu. Lehenengo saioa "Amy" filma izango da Aian.
Zuen gustukoak izango direlakoan,
animatu herriko elkarteek udaberrira dakartzaten ekintzetan parte hartzera!
Korrontzi ikuzkizuna
Ikuskizun ZORAGARRIAREN ondoren, eskerrak emateko eguna iritxi da.
Lehenik eta behin guregan sinistu duten guztiei eta gure ondoan bide hau egin duten dantzari eta hauen familiarrei. Zuek gabe hau ezinezkoa izango zen. Bolondres egon ziren hainbat herritarrei ere.
Sarrerak saltzen eta beste ekintzekin lagundu gaituzten herriko denda eta tabernei ere mila esker, ere eskerrak eman nahi degu Ataungo Udalari bere laguntzagatik.
Baita ere lagundu gaituzten enpresei eskerrak. Ampo, Arri eta Eredu.
HERRI BIDEEN INBENTARIOA
2016ko Urriaren 22an, Udaletxeko Batzar Aretoan egin zen bilera irekiarekin hasi genuen Bide Publikoen Inbentarioan herritarren partehartze faseari. Bertan, teknikariek erabiliko zituzten metodologia eta administrazio prozedura azaldu zuten.
Dagoeneko, teknikariek, herritarren laguntza eta ekarpenekin, Herri Bideen inbentarioaren zirriborroa egina dute. Zirriborro honi, Maiatzaren 5eko udal osoko batzarrak ere bere hasierako onespena eman zion.
Orain, hilabete batez, nahi duten herritar guztiek eta behar den denbora guztian lasaitasunez ikus dezaten, teknikariek prestatu duten material guztia, Udaletxeko lehen solairuan jarriko da ikusgai. Udaletik, ahalik eta jende gehien bertara hurbiltzeko gonbitea luzatzen dizuegu. Prestatu duten zirriborroaren inguruko ahalik eta jende gehienaren usteak eta kezkak jasotzea komeni dela deritzogu.
Behin zirriborroa ikusteko eta ekarpenak egiteko epea bukatu bezain laster, herritarren kezkak argitu eta erantzuteko, inbentarioa egiteaz arduratu diren teknikariak udaletxean bertan izango dira. ( Aurrerago jakinaraziko dizuegu zein egunetan egongo diren).
Herritarren ekarpen eta iritziak jaso eta argitu ondoren, behin betiko onarpena emango zaio eta Herri Bideen inbentarioa osatuta, udaletxean jasota geldituko da.
Azpikategoria
- Ataun kirol elkartea
- Ataungo Udala
- Atauniker kultur elkartea
- Auzoeta kiroldegia
- Barandiaran Fundazioa
- Barandiaran museoa
- Biboletak Ataungo emakume taldea
- Euskara taldea
- Gaztelekua
- Guraso elkartea
- Herri Antzokia
- Hiru txilipurditan
- Irakurle taldea
- J.M.B.Herri ikastetxea
- Murkondo elkartea
- Jentilbaratza elkartea
- Oargi elkartea
- Otsoa dantza taldea
- Pelotazale elkartea
- Presoen lagunak
- San Gregorioko jai komixioa
- San Martingo jai komixioa
- Udal liburutegia
- gipuzkoamendizmendi.net
- kanpotik
- Ataungo hiru auzoetako korrikaldiaren antolatzaileak
- GURE ESKU DAGO
- KORRIKA batzordea
- Memoria historikoa berreskuratzeko Ataungo Herritar taldea
- ATAUN IRRATIA
-
Agauntza kirol elkartea
-
Aiako jai komixioa
-
Aizkoate elkartea
-
Artadi elkartea
-
Ataun kirol elkartea
-
Ataungo Udala
-
Atauniker kultur elkartea
-
Atseden toki elkartea
-
Auzoeta kiroldegia
-
Barandiaran Fundazioa
-
Barandiaran museoa
-
Biboletak Ataungo emakume taldea
-
Erbia elkartea
-
Euskara taldea
-
Gaztelekua
-
Guraso elkartea
-
Haitzarri elkartea
-
Herri Antzokia
-
Hiru txilipurditan
-
Irakurle taldea
-
J.M.B.Herri ikastetxea
-
Murkondo elkartea
-
Jentilbaratza elkartea
-
Karitas
-
Oargi elkartea
-
Odol emaile elkartea
-
Otsoa dantza taldea
-
Otsobatza Ataungo Kontsumo taldea
-
Pelotazale elkartea
-
Presoen lagunak
-
San Gregorioko jai komixioa
-
San Martingo jai komixioa
-
Torto gazte asanblada
-
Udal liburutegia
-
gipuzkoamendizmendi.net
-
kanpotik
-
Ataungo hiru auzoetako korrikaldiaren antolatzaileak
-
GURE ESKU DAGO
-
Otsotarrak
-
KORRIKA batzordea
-
Memoria historikoa berreskuratzeko Ataungo Herritar taldea
-
Liburu eta disko azoka
-
ATAUN IRRATIA
-
Mus batzordea
-
EATE ABESBATZA
